SEMALEM nak nemui Habib Mahdi Shahab di rumahnyo kawasan Kuto, ruponyo dio katek di rumah. Uji haremnyo Habib lagi di tempat Haji Abok di depan HAR Sekip. Lajulah aku samo Haji Nasir nyari rumah yang disebut Haji Abok tadi. Padahal kami dak tau dimano nian rumah Haji Abok. Tapi kami inget kalu Haji Abok ini adalah muallaf kayo. Kami cuman bepatokan dengan mobil Habib Mahdi yang ada lampu banwernyo.

Bener nian, walau rumahnya masuk lurung dikit tapi mobil Habib lah tejingok. Di jero rumah Habib lagi makan-makan  tapi sudah nak abis makannyo. Kami masuk ke jero dan ditawak’i makan. Tapi kami duduk bae di sofa. Abis makan Haji Abok salaman dengan kami, sudahtu dio mbukak kulkas yang ado di ruang tamu. Dio ngembek aqua dan jeruk sewadah.

Kejingok’an nian kalu jeruk itu masem. Bentuknyo kecik dan kulitnyo ijo kelet. Besak dikit dari jeruk kuncilah. Njingok kami belum ngambek jeruk itu, Haji Abok ngomong, “Manis nian jeruk ini, pecaknyo bae masem. Aku jugo heran di mano wong rumah melinyo.” “Cubolah cicip dulu,” tambah Haji Abok.

Sikok jeruk itu ku ambek, ku kocek, ruponyo isinyo merekah dan kejingok’an kalu manis. Pas dicicip, wau manis nian.

Mungkin inilah pelajaran idup. Berati kito jangan mudah monis wong kerno cuman njingok kulitnyo bae. Jangan cepet ngembek kesimpulan sebelum bener-bener jelas…


0 Responses to “WONG KITO”



  1. Tinggalkan sebuah Komentar

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s




%d blogger menyukai ini: